Колумбискиот напаѓач Карлос Бака во ова лето имаше многу понуди, но на крајот се одлучи да остане во Милано.
Бака во минатото лето стигна на Сан Сиро од Севиља и во својата прва сезона беше најдобар стрелец на Росонерите.
Сепак, Бака на крајот на сезоната беше незадоволен од амбициите на клубот, и имаше знаци дека ќе го напушти клубот во ова лето.
Колумбиецот имаше неколку понуди, а дури се зборуваше дека ќе ја продолжи кариерата во Вест Хем, и дека се е завршено со лондонскиот клуб.
И кога се очекуваше да потпише за екипата на Славен Билиќ на крајот Бака не се појави на лекарски прегледи.
„Останувањето во Милано е најважна можна одлука која што ја направив. Благодарам на Бога па не отидов во Вест Хем. Во оваа екипа имам важна улога и се чувствувам како лидер. Вест Хем се мачи во оваа сезона и добро е што не отидов таму“, рече Бака.
