Александар Вучковски - сомелиер: Како македонските вина го освојуваат светот? ↓↓↓
Кинењето на вкрстениот лигамент во левото колено ненадејно го прекина враќањето на Марсел Хиршер. Осумкратниот победник на Светскиот куп во скијање се здоби со сериозна повреда на коленото во понеделник за време на тренингот во Рајтералм, објави агенцијата „АПА“.
„Крстниот лигамент го нема!” објасни Хиршер во емисијата по успешната операција, а 35-годишникот од Салцбург веројатно ќе ја пропушти сезоната и Светското првенство во Саалбах-Хинтерглем.
„Како што за жал е случај со скијањето, повредите се дел од играта. Можеби конечно го завршив своето патување. Овие осум месеци беа интензивни и многу се забавував. Би сакал да им се заблагодарам на сите кои го овозможија ова неверојатно патување и ме придружуваа на него“, кажа Хиршер.
Хиршер, кој од оваа сезона настапува како Холанѓанец, се врати на сцената на Светскиот куп пет години по пензионирањето со 23. место во велеслаломот во Золден.
