Goblin Games - Индустријата за Board Games е во огромен подем! ↓↓↓
Флорентино Перез од Лука Модриќ побара да остане во Реал Мадрид по Светското клупско првенство. Претседателот на Реал беше многу емотивен на збогувањето на Модриќ од Сантијаго Бернабеу и му вети дека ќе има, доколку реши да ја заврши кариерата, што е идеја за која Модриќ не размислува, место во клубот „во било која улога, бидејќи тоа го заслужил“. Ова го наведува Defensa Central, шпанскиот портал кој ги следи случувањата во Реал.
Желбата на капитенот на Реал е да ја предводи Хрватска на Светското првенство следната година и потоа да ја заврши кариерата со која малку кој фудбалер може да се пофали, продолжува текстот. Модриќ посакуваше продолжување на договорот со Реал за уште една сезона, но ја почитува одлуката на клубот да започне нов циклус без него.
Беше подготвен да ја намали платата и да прифати помала улога во тимот, но во клубот заклучија дека е подобро да се свртат кон младите играчи и да му се заблагодарат на Модриќ за сѐ што направи од 2012 година.
Ќе го носи дресот на Реал и за време на Светското клупско првенство кое ќе се одржи од 14 јуни до 13 јули во Соединетите Американски Држави. Потоа ќе одлучи што понатаму. За Реал одигра 591 натпревар, постигна 43 гола и асистираше за 95 гола.
Фото: Grok AI
