Фудбалскиот клуб Челси би можел да продаде огромен број играчи ова лето.
Британскиот „Гардијан“ денес направи листа од дури 14 играчи кои не се во плановите на Енцо Мареска и за кои Челси ќе слуша понуди, а одредени сигурно ќе мора да ги прати на позајмици.
Сите играчи на позајмица, кои сега се враќаат на „Стемфорд Бриџ”, нема да имаат место во тимот ниту во новата сезона, а тоа се – Ѓорџе Петровиќ, кој не се грижи бидејќи има доволно понуди, а покрај него – Жоао Феликс, Ренато Веига, Бен Чилвел, Аксел Дисаси, Керни Чуквуемека, Лесли Угочукву и Рахим Стерлинг.
На жалост на Челси, ниту еден од овие играчи не беше откупен по истекот на позајмиците, па сега клубот мора да бара нови решенија и најверојатно да ги продаде под цена.
Меѓу членовите на тимот кои исто така се на продажба се и Кристофер Енкунку, Нони Мадуеке, Роберт Санчез, Весли Фофана, Трево Чалоба и Дузбери-Хол.
Енцо Мареска смета дека многумина од нив не го покажаа потребното ниво, но на пазарот сè уште се на цена, па би можеле да ја наполнат касата за нови засилувања.
