Нема крај на проблемите на клупското СП поради временските непогоди. Откако некои натпревари од групната фаза беа прекинувани поради предупредувања за невреме, во осмина финалето натпреварот помеѓу Челси и Бенфика во Чарлот беше прекинат за цели два часа. Во исто време во Орландо на аеродромот заглави Баерн. Билд пишува: „Повторно хаос со летовите и проблеми со времето за Баерн на клупското СП.“
Ѕвездите на Баерн заглавија во Орландо, нивниот авион за Мајами не можеше да полета во сабота во 16:40 по локално време за да стигне навреме на осмина финалето на Клупското СП против Фламенго од Рио де Жанеиро, кој се игра во недела во 15:00 по локално време во Мајами. Но, тимот заглави – полетаа со речиси два часа задоцнување.
Причината беше невреме кое се движеше со бавен чекор преку Флорида, од запад кон исток – точно од Орландо кон Мајами. Ова не е првпат на СП Баерн да има проблеми со временските непогоди при патувања на натпреварите. За вториот натпревар во групата против Бока Јуниорс (2:2), Баварците исто така тргнаа со задоцнување поради невреме; тогаш задоцнија еден час.
Фотографија: Принтскрин
