Данска vs. Македонија: Како тие се справуваат со отпадот, додека ние се расправаме кој е крив? ↓↓↓
Од САД дојде шокантна вест дека куќата на легендарниот тренер на Мајами Хит, Ерик Сполстра, изгорела во голем пожар кој избувнал во раните утрински часови.
За среќа, никој не е повреден, а Сполстра во моментот на инцидентот не се наоѓал дома.
Според информациите од противпожарната служба на округот Мајами-Дејд, повикот за пожарот стасал околу 4:36 часот по локално време. Само неколку часа порано, Сполстра со екипата на Хит гостуваше во Денвер, а чартер летот од Колорадо слетал во Мајами нешто после пет часот утрината.
Тренерот на двоен НБА шампион пристигнал на имотот веднаш по враќањето, додека противпожарните екипи веќе биле на терен и се обидувале да го стават пожарот под контрола. Во гаснењето учествувале повеќе од 20 единици, со поддршка од воздух, а пожарот по три часа напорна работа бил локализиран.
