Ливерпул во наредните денови треба да добие големо засилување, откако играчот кој го сака „половина Европа“, кажал „да“ на „Црвените“.
Англиските медиуми веќе ги открија и трошоците што „Црвените“ ќе мора да ги платат за да добијат играч за кој се тврди дека е најдоброто откритие на Ред Бул уште од Ерлинг Халанд.
Се разбира, зборуваме за Јан Диоманд, крилен фудбалер кој има 19 години и постигнал седум гола, со четири асистенции во 16 настапи оваа сезона за РБ Лајпциг.
Диоманд во Германија пристигнал од Леганес за 20 милиони евра и брзо стана еден од најбараните млади играчи во светот на фудбалот.
