Зошто проблемот со улични кучиња СÈ УШТЕ постои? | Уште еден поткаст ↓↓↓
Натпреварот од првото коло Група Х на Светското првенство помеѓу Иран и Нов Зеланд во Инглвуд не привлече внимание само заради случувањата на теренот, туку и заради силната порака што се можеше да се види на трибините на стадионот СоФи.
Зад еден од головите, навивачите поставиле голем транспарент со кој им одадоа почит на жртвите од нападот на основното училиште во Иран, каде што, според иранските извештаи, во февруари оваа година загинале 168 лица, главно деца. Нападот се случи на 28 февруари 2026 година во основното училиште во градот Минаб на југот од Иран. Повеќето информации во медиумите укажуваат дека училиштето во Минаб било погодено од американски проектили за време на американските удари врз Иран.
Пораката брзо привлече внимание кај присутните навивачи, но и кај гледачите низ светот кои го следеа натпреварот преку телевизискиот пренос.
Бројот 168 во последните месеци стана силен симбол во иранската јавност и кај навивачите на репрезентацијата.
Уште при пристигнувањето на Светското првенство, иранските репрезентативци носеа значки со натписот „#168“ како знак на сеќавање за настраданите во нападот на училиштето во градот Минаб на југот на земјата.
Зад еден од головите тука на стадионот СоФи, навивачите донеле транспарент со референца на 168 лица убиени од ракетен напад во март во основно училиште во Иран. pic.twitter.com/zWHvy74aNF— Ендру Грејф (@ЕндруГрејф) 16 јуни, 2026
