Зошто проблемот со улични кучиња СÈ УШТЕ постои? | Уште еден поткаст ↓↓↓
Светската фудбалска организација (ФИФА) сè уште не одлучила кој ќе биде главен судија на финалниот натпревар на Светското првенство, а одлуката ќе ја донесе кога ќе се знае кои ќе се борат за титулата. Многу медиуми наведуваат дека во базата на податоци на ФИФА останале уште 13 судии за главниот делител на правдата за финалниот натпревар.
Ако бранителот на титулата Аргентина игра во финалето, тогаш, според германската агенција dpa, натурализираниот Австралиец Алиреза Фаѓани е првиот фаворит за главниот делител на правдата. Фаѓани е Иранец кој во 2019 година емигрирал во Австралија и се води како судија од таа земја. Влезот на Аргентина во финале автоматски ги исклучува сите европски и јужноамерикански судии.
Француските судии години наназад добро котираат, Клемон Турпен и Франсоа Летексие, но тие отпаѓаат ако Франција ја победи Шпанија во полуфиналето и трети пат по ред избори финален натпревар. Тие стануваат сериозна опција ако финалето на СП биде Шпанија – Англија.
Ако во финалето влезат Франција и Англија, тогаш главни кандидати за главен судија стануваат Словенецот Славко Винчиќ, Италијанецот Маурицио Маријани и Полјакот Шимон Марчиниак. Марчиниак беше судија на финалниот натпревар на последното Светско првенство во Катар, на кој Аргентина беше подобра од Франција.
