Зошто проблемот со улични кучиња СÈ УШТЕ постои? | Уште еден поткаст ↓↓↓
ЈАН ДИОМАНДЕ, најголемиот трансфер во историјата на Реал, вреден до 140 милиони евра, го даде својот прв интервју како фудбалер на Реал Мадрид. Во разговор за африканската спортска платформа SportyTV, играчот од Брегот на Слонова Коска зборуваше за доаѓањето во “кралскиот клуб”, односите со тренерот Жозе Мурињо и идолите што ја обликуваа неговата кариера, пренесува AS:
Доаѓањето на Сантијаго Бернабеу за него е исполнување на детските соништа. “Ова е мојот нов дом. Среќен сум што сум тука и што сум дел од тимот. Долго го чекав ова, сонот ми се оствари. Уште не сум бил на стадионот откако е обновен и едвај чекам да го постигнам својот прв гол”, изјави Диоманде.
Неговиот живот во само 14 месеци драстично се промени, но амбициите останаа исти. “Сè уште сакам да бидам еден од најдобрите играчи во светот. Таа идеја ми е од самиот почеток и никогаш не се сменила. Затоа продолжувам да работам и следам својот пат. Имам голема самодоверба, мораш да веруваш во себе. Сигурен сум во себе и работам на тоа”, ја пренесе неговата порака.
На спомнувањето на изјавата на Дрогба дека Мурињо е тренер за кого играчите сакаат да играат, Диоманде беше јасен. “Се разбира. Ако играш за Мурињо, подготвен си да умреш за него. Поради неговиот карактер, сите се подготвени да дадат сè од себе. Подготвени сме да умреме на теренот за него.”
