„Повреден Швајнштајгер е подобар од подготвен Фелаини“

Маруан Фелаини е виновник за пеналот од кој Евертон дојде до бод против Манчестер Јунајтед овој викенд.

Во самиот финиш Белгијанецот направи пенал, а сите го прогласија за виновен за изгубените бодови на Црвените ѓаволи. Најмногу лут на тоа беше поранешниот член на Манчестер Јунајтед, Рој Кин.

Тој брутално го навреди Фелаини и тоа во само една реченица.

„Швајнштајгер и кога е повреден, е подобар играч од целосно подготвен Фелаини“, изјави Кин.

Швајни оваа сезона одигра само еден натпревар во дресот на Јунајтед и тоа против Вест Хем во Купот.