Напаѓачот на Фенербахче, Фернандо после синоќешната повреда против Коњаспор ја заврши својата сезона.
Во средината на првото полувреме се судри со голманот на екипата од Коња и доживеа тежок удар на раката. После накнадни медицински прегледи откриено е дека има фрактура на раката помеѓу левото рамо и лактот па го очекува пауза долга 3 месеци.
Тоа секако значи дека оваа сезона за него е завршена, а утринава е извршена операција на него.
Вчера во истиот натпревар, Фенербахче на домашен терен беше поразен со 3:2 од Коњаспор.
Фернандо оваа сезона одигра 13 натпревари во најсилното натпреварување во Турција и има постигнато 4 погодоци за тимот од Истанбул оваа сезона.
