Александар Вучковски - сомелиер: Како македонските вина го освојуваат светот? ↓↓↓
Најдобриот фудбалер на Реал Мадрид немаше своја вечер, но без последици бидејќи неговиот тим се пласира во финалето во ЛШ.
Атлетико Мадрид
Облак 8 – Одличен натпревар, бранеше се што можеше, кај примениот погодок не можеше ништо да направи.
Хименез 6 – Заедно со Годин и Савиќ изигран од Бензема што беше клучно во овој натпревар
Годин 5.5 – Зошто тој и Савиќ излегоа на Бензема дури до аут линијата, голем кикс на искусниот дефанзивец
Савиќ 5.5 – Истото важи и за овој дефанзивец на јорганџиите
Филипе Луис 6 – Просечен натпревар, ништо импресивно
Габи 6.5 – Водеше голема битка на средината на теренот, но само на моменти го насочуваше вниманието кон себе
Саул 7 – Стрелец на водечкиот погодок во 12-та минута, а потоа не се истакна
Коке 7 – Многу забележан и конкретен во воведните минути од натпреварот кога опасно се закани по голот на Навас и асистираше за погодок на Саул
Караско 6.5 – Како и Коке, Караско беше голема опасност по голот на Навас во воведните минути, уште подобра шанса имаше во второто, но без резултат
Гризман 7 – Погоди од белата точка за 2:0, не се истакна премногу
Торес 7 – Пеналот беше направен над него, можеби и доволно од него бидејќи беше заменет во второто полувреме
Реал Мадрид
Навас 8 – Прими два погодоци, но не по своја вина, малку му недостасуваше да го одбрани пеналот на Гризман. Бравурозни одбрани посебно во второто полувреме за мирен крај.
Данило 6 – Не се истакна премногу, Караско си поигруваше со него во второто полувреме кога Навас правеше чуда на голот.
Варан 6 – Направи пенал над Торес, беше на големо искушение во првите 15 минути игра
Рамос 6.5 – Како и Варан, на почетокот не успеа да ги неутрализира нападите на Атлетико во првите 15 минути игра, Саул го надскока при водечкиот погодок, а после тоа ја презеде контролата.
Марсело 6 – Не му правеше премногу проблеми на одбраната на Атлетико.
Касемиро 6.5 – Во шестата минута имаше одлична шанса кога Облак одлично реагираше.
Крос 7 – Заслужен за единствениот погодок на Реал вечерва.
Модриќ 8 – Еден од најдобрите актери на натпреварот, ги држеше сите конци.
Иско 7.5 – Сигурен на средината на теренот, постигна погодок.
Роналдо 6 – Далеку од она што знае и може, без препознатливата енергија на теренот.
Бензема 7.5 – Со својата мајсторија во 42-ра минута го даде клучниот допринес за погодокот на Иско, го направи најубавиот потег на натпреварот
