Од Фудбалската федерација на Македонија објавија моќно видео со кое ги повикуваат навивачите да ги поддржат двете наши репрезентативни селекции кои во овој момент се во центарот на вниманието.
Македонската А репрезентација во недела ќе биде домаќин на моќната Шпанија во рамките на 6. коло од квалификациите за Светското првенство. На тој натпревар и официјално ќе бидат испратени и младите фудбалери до 21 година кои следниот ден заминуваат за Полска каде за прв пат ќе ја претставуваат нашата репрезентација на едно големо натпреварување.
