Тимот на Феникс Санс во минатата сезона беше со втор најлош скор во лигата а скорешните сознанија за физичката спремност на одредени играчи од составот воопшто не прават да им биде полесно.
Од тимот потврдија дека резервниот плејмејкер Брендон Најт успешно ја поминал операцијата на коленото, но тој сепак ќе мора да ја пропушти целата наредна сезона.
Брендон Најт ги скина вкрстените лигаменти во левото колено пред еден месец, додека играше во добротворен натпревар со локалци од Флорида.
25-годишниот Најт минатата сезона беше шести играч на тимот на Санс и постигнуваше во просек по 11 поени по натпревар, но беше крајно неефикасен со шутот од поле бидејќи шутираше со 39% успешност.
