Екипата на Работнички како домаќин на „Филип Втори“ успеа да слави важна победа во градското дерби против Вардар и ги оддалечи „црвено црните“ од титулата во домашниот шампионат.
„Романтичарите“ во првите шест минути стекнаа комотна предност шокирајќи ги избраниците на Чеде Јаневски. Најпрво Ерера погоди за 1:0 во втората минута за само четири минути подоцна Ангелов да го постигне својот деби гол по враќањето во „старото јато“ за 2:0.
Попуста беше иницијативата на Вардар во преостанатите 80. минути кога успеа само еднаш да го матира Божиновски и тоа во 79. минута преку Горан Попов кој намали на 2:1 и донесе знак на надеж за „гостите“ на овој натпревар.
Во 86. минута Работнички остана без Божиновски кој заработи директен црвен картон, но и покрај тоа фудбалерите на Вардар не успеа да го пробие бункерот на Станковски и со наведнати глави го напуштија стадионот.
