Преминувањето на Кристијано Роналдо од Реал Мадрид во Јувентус претходното лето привлече големо внимание бидејќи никој не го очекуваше овој трансфер.
Меѓутоа, тоа не е сè затоа што уште еден фудбалер на „кралевите“ би можел да се пресели во Торино, а станува збор за Марко Асенсио, кој е заинтересиран за трансфер во Јувентус.
„Тутоспорт“ пишува дека Асенсио е фасциниран од навивачите на „Старата дама“ и атмосферата во клубот.
Останува да видиме дали во јануари Јувентус ќе испрати официјална понуда за ѕвездата на Реал Мадрид, но многу работи зависат и од „кралевите“.
Асенсио има договор со „кралевите“ до 2023 година, а неговата цена изнесува дури 90 милиони евра.
