Анде Јанков - македонски автор: Тајните на пишување добар крими роман!? ↓↓↓
Еден од најдобрите дефанзивци во светот, Диего Годин, според „Кориере дело Спорт“, ќе се пресели во Милан.
Летоска 32-годишниот Годин имаше можност да се пресели во Манчестер јунајтед, но реши на крајот да остане во Атлетико Мадрид.
Уругваецот на крајот на сезоната останува без договор со Атлетико и уште размислува дали да ја продолжи соработката.
Милан во последниот период има проблеми со многу повреди, а најголема главоболка на Џенаро Гатузо му создава стоперската позиција, каде што се повредени Алесио Ромањоли, Матео Мусакио и Матија Калдара.
Поради тоа „росонерите“ се надеваат дека би можеле да го ангажираат Годин, со кој веќе имале почетни преговори, па останува да видиме дали ќе се договорат и кога Уругваецот би се преселил на „Сан Сиро“.
