Анде Јанков - македонски автор: Тајните на пишување добар крими роман!? ↓↓↓
Милан уште не може да закрепне по шокантната елиминација од групната фаза во Лига Европа по поразот од Олимпијакос. Потоа стигна и казната од УЕФА за кршење на финансискиот фер-плеј, па италијанскиот гигант во следните три години мора да реши многу проблеми.
„Росонерите“ во вторник од 20.30 часот играат кај Болоња во италијанската Серија А, а тренерот Џенаро Гатузо е под голем притисок.
Новинарите ги интересираше дали Милан ќе продава фудбалери во јануари, а тоа го налути Гатузо.
„Ги подготвуваш и ги праќаш. Ова е божиќно време, па така ги правите како подароци и ги праќате. Тоа што го пишувате не се решава преку ноќ. Знам дека имаме ограничувања, но тоа не значи дека ќе продаваме фудбалери во јануари. Кога зборувате за нив, тогаш тоа ме нервира, зашто напаѓате мои луѓе“, вели Гатузо.
Клубот од „Сан Сиро“ во моментов е четврти и се бори за пласман во Лигата на шампиони наредната сезона.
