Еден Азар влезе во легендите, стана 10. играч во историјата на Челси кој за овој клуб постигна 100 и повеќе погодоци.
По мечот со Вотфорд изјави дека би сакал да застане рамо до рамо со легендите од клубот како што се Лампард и Дрогба, но тоа и натаму не гарантира дека ќе остане на „Бриџ“ и по оваа сезона.
Реал е многу заинтересиран, ниту самиот фудбалер не криеше дека му е детски сон да го облече дресот на „Лос Бланкос“, како што се наведува Мадриѓаните подготвија и примамлива понуда за Белгиецот.
И додека Азар пишува историја за „Плавите“, неговиот брат Торган брилјира во дресот на Борусија Менхенгладбах. Постигна девет погодоци и запиша шест асистенции во досегашниот тек на сезоната, па и неговото име се почесто е во наслобите на европските медиуми.
Голем број екипи се заинтересирани, го сакаат Дортмунд, Баерн, Севиља и Тотенхем, но се чини дека Челси ги држи работите во свои раце.
Торган всушност од „Стемфорд Бриџ“ стигна во Гладбах, а „Плавите“ како што се наведува имаат опција да го вратат во Лондон следното лето, пишува „Билд“.
Докажа дека има квалитет, па Челси би можел да ја искористи споменатата опција и така постои уште една причина на својот најдобар играч Еден Азар да му го продолжи опстанок на „Стемфорд Бриџ“ и по оваа сезона.
