Манчестер сити наскоро би можел жестоко да биде казнет затоа што ги прекршил финансиските правила над 100 пати во период од 2009 до 2017/18.
Доколку биде прифатена сугестијата од Премиерлигата, независната комисија треба да изрече жестока казна за премиерлигашот, а се споменува и одземање на титулите, но и исфрлање од елитата.
Англиските медиуми будно ја следат ситуацијата и шпекулираат дека Ерлинг Халанд ќе си замине од клубот ако биде изречена казна, а како следен клуб за норвешкото чудо од дете се споменува Реал Мадрид.
Халанд оваа сезона игра одлично и постигна 31 гол на 28 меча за „граѓаните“ во сите натпреварувања.
