Американската кошаркарка призна дека шверцала дрога во Русија


Вака се слави гол во 120-та минута!!! ↓↓↓


Американката Бритни Грајнер, која се наоѓа во затвор во Русија, призна дека шверцала дрога, откако беше уапсена во февруари.

На почетокот на годината ѝ беше пронајдено шишенце со канабис, па поради ова може да се соочи со 10-годишна затворска казна.

„Почитуван судија, виновна сум. Немав намера да го прекршам законот, навистина тоа не ми беше цел“, кажа Грајнер.

Кошаркарката кажа дека ѝ требало време да се подготви, па судењето е одложено за една недела.

Грајнер е една од најдобрите кошаркарки во женската професионална лига (ВНБА) во САД, а беше член на Финикс Меркјури. Американката со нејзината репрезентација освои два златни медали на Олимписките игри.