Македонските репрезентативци денеска ќе играат против Ерменија од 18 часот во последното коло од Лигата на нации, па имаат голема можност да изборат пласман во Б-дивизијата.
Селекторот на Македонија, Игор Ангеловски кажа дека не планира да калкулира и да игра на нерешено затоа што би можеле да го освоиме првото место во групата и со реми, па затоа денеска ќе играат на победа.
„Не сум селектор кој калкулира, па на нерешено и не знам да играм , тоа ми мана, ќе играме на победа, имаме одлични избор, тука не се да пополнат место, играме натпревар кој ни значи, секој позитивен резултат ќе нè однесе во Б-Лигата, тоа е приоритет. Ќе го извадам максимумот од играчите за да победиме”, кажа Ангеловски.
