До кога ќе дишеме отровен воздух!? | Уште еден поткаст ↓↓↓
Спекулациите траеја само кратко, а одговорот пристигна исто толку брзо колку што и интересот започна. Баерн нема да влезе во трка за Фила Фоден од Манчестер Сити – причината е недостаток на финансиски маневарски простор за трансфер од таков обем, потврди угледниот германски весник Билд.
Веста доаѓа само еден ден по известувањата од британските медиуми дека Баерн ја следи ситуацијата на Фоден, со напомена дека тренерот Винсент Компани особено го цени. Но, Баварците брзо се дистанцираа – во нападот на Баерн веќе играат Мајкл Олис, Луис Диаз, Џамал Мусиала и Серж Гнабри, па уште едно толку скапо доведување на играч за напаѓачката линија е оценето како непотребно.
Фоден оваа сезона изгуби дел од минутите под водство на Пеп Гвардиола, а договорот му истекува во 2027. Манчестер Сити активно преговара за продолжување и, според Sky Sports, оптимисти се дека договорот ќе се постигне пред крајот на сезоната.
