Од Барселона денеска објавија дека постигнале договор со играчот од одбраната Мајк ван Беијен кој во клубот пристигнува како слободен агент.
Станува збор за играч кој игра на десната бековска позиција и на кој последен клуб му беше НАЦ Бреда, а претходно во кариерата настапуваше и за ПСВ Ајндховен и за Вилем 2.
Ван Беијен потпиша двегодишен договор со Барселона и во истиот е вклучена неверојатна откупна клаузула од 100 милиони евра.
Фудбалерот следната сезона ќе ја игра во вториот тим на „каталонците“, Барселона Б и ќе чека шанса за настап во првиот тим во некој од куп натпреварите.
