Карим Бензема игра одлично во нападот на Реал Мадрид повеќе од една деценија. Тој пристигна во шпанскиот шампион во 2009 година за сума од 35 милиони евра.
Овој 33-годишен фудбалер има договор со Реал до 2022 година и шпанските медиуми пишуваат дека Французинот потоа ќе си замине и ќе му го препушти местото во нападот на некој помлад фудбалер.
На таа тема зборуваше и агентот на Бензема, Карим Џазири, кој кажа каде ќе заигра францускиот фудбалер.
„Мислам дека ќе се врати во Лион. Никогаш не играл на стадионот, кој беше отворен во 2016 година и негова желба е да се врати дома и да ја заврши кариерата“, вели Џазири.
