Челси ја заврши сезоната на третото место во Премиерлигата, откако фудбалерите на Томас Тухел не успеаа да им се приближат на Манчестер сити и Ливерпул во битката за титулата.
Премиерлигашот со освојување на третото место обезбеди пласман во Лигата на шампиони (ЛШ), но ситуацијата е комплицирана и Челси би можел да биде исфрлен од елитата.
„Би-би-си“ објави дека газдата на Челси, Роман Абрамович решил да ја стопира продажбата на клубот, меѓутоа тоа не е единствен проблем.
Британската влада е подготвена да прифати реализирање на продажбата на Челси, но португалските министри исто така треба да дадат согласност за тоа, зашто Абрамович наводно имал и португалски пасош.
Во моментов се преговара и со Владата на Португалија, но и Европската комисија, па сите политички тела мора да ја прифатат трансакцијата најдоцна до почетокот на јуни.
