Чави призна: Лига Европа е нашата реалност!

Тренерот на Барселона, Чави Ернандез беше свесен за предизвикот кој го очекува во Каталонија, но и покрај тоа реши да го преземе гигантот кој вчера беше елиминиран од Лигата на шампиони (ЛШ).

Каталонците вчера во Минхен загубија со 0-3 од Баерн во последното коло од групната фаза во ЛШ и по 20 години останаа без нокаут-фаза на елитното натпреварување.

„Баерн беше посилен од нас. Дадовме сѐ од себе, но тие брзо нѐ совладаа. Ова во моментов е наша реалност, ќе се обидеме да ја освоиме Лигата на Европа“, кажа Чави.