Шанса да станеш YouTuber! Приклучи се! ↓↓↓
Некогашниот холандски фудбалер Патрик Клајверт пред неколку денови изјави дека Матијас Де Лигт се кае што го одбра Јувентус пред Барселона.
Во морето од понуди, 20-годишниот стопер минатото лето го одбра Јуве, а во борбата за неговиот потпис најголем ривал беше Барселона.
Откако Де Лигт не се снајде најдобро во Торино, Патрик Клајверт се огласи и го кажа своето мислење околу целата таа ситуација.
„Не пробав лично да го убедам да се приклучи на Барселона. Му ги кажав само позитивните аспекти на Барселона како и на клубот, така и на градот“, рече Клајверт и продолжи:
„Очигледно е дека станува збор за одличен стопер кој на крајот сам си ја донесе својата одлука. Мислам дека малку се кае за тоа, но, тоа е – што е“.
„Во животот морате да одлучувате, понекогаш правиме добри но понекогаш и лоши одлуки. Како и да е, од секоја одлука морате да извлечете поука“, заврши Клајверт.
Де Лигт одговори на сето тоа и изјави дека никако не се кае поради тоа што дојде во редовите на Јувентус.
„Не се каам за мојата одлука околу доаѓањето во Јувентус“, рече Де Лигт, а потоа се сврте на изјавата на Клајверт:
„Се и сешто се пишува и се шпекулира. Можеби изгледа како вистина ако личност како Клајверт така изјавува, но стварноста е дека тоа е само негова претпоставка“, рече Де Лигт.
