Шанса да станеш YouTuber! Приклучи се! ↓↓↓
Пред неколку дена, напаѓачот на Рим, Един Џеко, ја продолжи верноста кон клубот.
Популарниот Дијамант беше поврзан со преселбата во Интер во текот на целиот преоден рок, но на крајот челниците на римскиот клуб го убедија да остане и да потпише нов тригодишен договор.
Џеко ќе остане жител на Рим барем до 2022 година и заради тој повод даде интервју за официјалната веб-страница на клубот.
Веќе се објавени некои делови од тоа интервју, каде зборува за капитенската лента и цитирањето на зборовите на неговата ќерка Уна, а Рома денес ја објави целосната снимка.
Џеко откри што Алесандро Флоренци и Лоренцо Пелегрини му повторувале за време на преодниот период.
„Моите соиграчи не се само мои соиграчи, туку пријатели, браќа … Тие секогаш ми велеа „не одиш ти никаде, ќе останеш овде … “ Имам одличен однос со сите нив. Пелегрини и Флоренци секој ден ми зборуваа „ќе останеш ти тука, нема да одиш никаде “, вели Дијамантот, кој исто така ја коментира приказната околу капитенската лента.
„Флоренци ми рече ако потпишеш, ќе ти ја дадам капитенската лента. Кога потпишав, тој ми рече „ тоја е брате.“ Но, јас одговорив „ти си наш капитен и сите сме зад тебе“, рече Џеко.
Патем, за Џеко и неговата Рома сега следува почетокот на сезоната во Серија А. Волчицата ја пречекува Џенова во 1. коло во недела навечер.
