Димитријевиќ: Напорната работа ме донесе таму каде што треба да бидам!

Македонскиот репрезентативец Ненад Димитријевиќ потпиша четиригодишен договор со Валенсија, па вчера беше промовиран во екипата преку социјалните мрежи.

Димитријевиќ преку неговиот профил на Твитер испрати порака по потписот за Валенсија и кажа дека е пресреќен поради новиот тим.

„Напорната работа, жртвата, болката, омразата, сомнежот и љубовта се тоа што ме донесе таму каде што сакам да бидам. Среќен сум што заминувам во Валенсија и возбуден за новата сезона“, напиша Димитријевиќ.

Димитријевиќ сезоната ја заврши со 10,6 поени, 1,5 скокови и 3,6 асистенции во просек во шпанската лига.