Реал Мадрид синоќа стана шампион на Шпанија, бидејќи го совлада Виљареал коло пред крајот на првенството, додека Барселона загуби од Осасуна (1:2).
И ако Барселона победеше, тоа немаше да смени ништо и Реал ќе ја завереше титулата, прва од 2017. година и вкупно 34-та.
За Рамос, Бензема и соиграчите е уште една титула, но оваа сезона само еден играч од Кралевите може да се пофали дека има освоено две титули.
Станува збор за Алваро Одриозола, кој е на позајмица во Баерн со кого беше шампион на Германија, а ќе ја добие и титулата шпанска Ла Лига затоа што претходно имал неколку настапи во дресот на Реал.
Се шпекулира дека Одриозола сега повторно ќе дојде во Реал откако му истече позајмицата со Баварците, а во Германија не планираат да го откупат неговиот договор.
