Шанса да станеш YouTuber! Приклучи се! ↓↓↓
Македонскиот репрезентативец Елиф Елмас добива поголема минутажа по доаѓањето на Лучано Спалети на кормилото на Наполи.
Спалети веќе неколку пати кажа дека е задоволен со настапите на Македонецот и поради тоа му дава поголема шанса на теренот.
Наполи игра одлично сезонава, па по осум одиграни кола има осум победи и се наоѓа на првата позиција, па се надеваат Елмас и неговите другари дека можат да продолжат во ист ритам.
„Во Наполи нема прв и втор тим. Сите играме за овој клуб и сите сакаме да победиме, тоа е нашата главна цел. И пред натпреварот со Легија знаевме дека ќе победиме и на крајот успеавме. Знаеме дека кога ќе истрчаме на теренот мораме да дадеме сѐ од себе за да дојдеме до победата. Секоја победа за нас е важна“, вели Елмас за „Скај Спорт“.
