Зошто проблемот со улични кучиња СÈ УШТЕ постои? | Уште еден поткаст ↓↓↓
Во полуфиналето на Светското првенство ќе играат четирите најдобри репрезентации во светот според рангирањето на ФИФА. Поточно, таму ќе се сретнат Франција и Шпанија и Аргентина и Англија. Еден потег на ФИФА од ноември 2025 година открива дека во светската фудбалска организација посакале вакво полуфинале…
ФИФА пред жребот на Светското првенство за прв пат во историјата на натпреварувањето одлучи да ги раздели четирите најдобро рангирани репрезентации за да не можат меѓусебно да се сретнат пред полуфиналето. Овој план сега целосно се оствари.
Во првото полуфинале ќе се натпреваруваат Франција и Шпанија, додека во второто за место во финалето ќе играат Англија и Аргентина. Токму ваков расплет ФИФА сакала да постигне со посебниот систем што требаше да ги задржи најдобрите репрезентации на спротивни страни од жребот.
Шпанија како прв носител и Аргентина како втор беа парени и сместени на спротивни половини од жребот. Истото беше направено со Франција, третиот носител, и Англија, четвртиот.
Овој редослед значеше дека Англија со Шпанија или Аргентина не може да се сретне пред полуфиналето, додека евентуалниот дуел со Франција беше одложен до финалето. Системот важеше под услов сите четири репрезентации да ги освојат своите групи и да продолжат по предвидениот пат низ нокаут фазата.
Кога две репрезентации се парени, тие се сместуваат на спротивни половини од табелата така што не можат да се сретнат пред финалето. Сличен систем се користи и на Вимблдон, како и во новиот формат на Лигата на шампионите, каде најдобро рангираните учесници исто така се разделуваат.
Целта на ФИФА беше да спречи прекумерно рани средби на најдобро рангираните репрезентации и така да ја зголеми можноста за големи натпревари во финалето на турнирот. Истот систем на рангирање беше користен и на Светското клупско првенство.
