Пјер Емил Хојберг најави дека сака да си замине од редовите на Саутемптон во овој преоден рок.
Фудбалерот од средниот ред се поврзува со трансфер во Тотенхем, и веројатно истиот ќе се случи затоа што Хојберг ќе притиска да си оди од „Сент Мери“:
„Знам што сакам, клубот го знае тоа исто така. Сакам да играм на повисоко ниво. Врската меѓу мене и Саутемптон е фантастична.
Клубот ми даде платформа да напредувам. Не им велам „догледање“ и сум фокусиран на мојот клуб, но мојата цел е многу јасна, сакам да ја освојам Премиер лигата и да играм во Лигата на шампионите.
Добив доста искуство во Баерн Минхен, па така можам да напредувам било каде. Сега сум гладен за да стигнам до тоа ниво“ –изјави Хојберг.
