Горецка го продолжи договорот со Баерн Минхен до 2026 година


Вака се слави гол во 120-та минута!!! ↓↓↓


Германскиот репрезентативец Леон Горецка го продолжи договорот со Баерн Минхен до 2026 година, откако пред неколку дена почнаа шпекулациите за неговата иднина.

Овој 26-годишен фудбалер пристигна во редовите на баварскиот гигант во 2018 година од Шалке, а претходно играше пет сезони во Бохум, каде што ги мина сите младински селекции.

Горецка е стандарден репрезентативец на Германија за која досега настапи 28 пати и запиша 14 голови. Додека за помладите селекции на Германија одигра 36 меча и постигна осум голови.

Баерн го продолжи договорот со талентираниот фудбалер и така го реши прашањето за средниот ред, а Горецка претходно имаше соработка до 2021 година.