Шанса да станеш YouTuber! Приклучи се! ↓↓↓
Тотенхем доби големо засилување на средината на теренот.
Во наредната сезона Тотенхем ќе игра во Лигата на шампионите, екипата на Маурицио Покетино има за цел да ја повтори сезоната 2015/16 и од август во Премиер лигата, но ќе биде далеку потешко отколку што беше.
За тоа е потребно да има силна клупа и голем број на играчи кои може да покриваат повеќе позиции, а еден од таквите е Виктор Ванијама, досегашниот фудбалер на Саутемптон.
Пред три дена Скај Спорт тврдеше дека е се готово и дека сите три страни го договориле преминот на последниот играч за врска, а сега тоа е и дефинтивно поради тоа што и самиот играч тоа го потврди.
„Сега ми е во главата само тој медицински преглед во Тотенхем. Ова е ново поглавје во мојата кариера, сигурен сум дека ќе дадам се од себе во својот нов тим.
Сакам да се заблагодарам на навивачите на Саутемптон, како и на менаџментот, за совршеното време кое го имавме заедно. Секогаш ќе имаат посебно место во моето срце“, рече Ванијама.
Инаку, Ванијама одигра 92 меча за Саутемптон, постигна 4 голови.
Вредноста на трансферот е околу 15 милиони евра.
