Херој: Јапонска пливачка од кревет стигна до Олимписки игри!

Јапонската пливачка Рикако Ике стана хит во светот на спортот. Оваа 20-годишна девојка избори пласман на Олимписките игри во Токио во дисциплина на 100 метри пеперутка.

Ништо немаше да биде необично, доколку пливачката пред две години не се разболе од леукемија и не заврши во болнички кревет.

По рехабилитацијата се врати во базен, а иако не е доволно подготвена, Ике направи сензационален резултат.

„Не го очекував ова, изненадена сум. Никогаш во животот не ја загубив самодовербата. Верував во овој момент“, вели Ике.