Хулкенберг бара да се промени системот на делење бодови во Ф1

Нико Хулкенберг кажа дека сака да се промени бодовниот систем во Формула 1 затоа што така многу возачи би имале мотив повеќе за трка.

Возачот на Хас кажа дека големата разлика во квалитетите на екипите ги демотивира дел од возачите затоа што никогаш немаат шанса да освојат бодови.

„Не е лесно бидејќи има 20 болиди, но и само 10 места за кои се доделуваат бодови. Ова се случува многу време. можеби е рано да се зборува за промена на системот за доделување бодови, но со тоа ќе се зголеми и конкуренцијата меѓу возачите“, кажа Хулкенберг.