„Имам ковид-19 и бев во САД, не разбирам зошто Ѓоковиќ не би можел да игра во Њујорк“

Новак Ѓоковиќ добива поддршка од цел свет поради ситуацијата во САД поради која Србинот не може да настапи на Ју-Ес Опен, а последен кој застана на страна на тенисерот е неговиот колега Џон Милман.

Милман реши јавно да ги коментира случувањата со Ѓоковиќ, кој не може да влезе во САД затоа што не е вакциниран.

„Имам ковид-19. Бев во САД и немав чувство дека голем број луѓе ги следат препораките во земјата. Тоа е во ред, но не можам да разберам зошто Ѓоковиќ не може да дојде и да се натпреварува во Њујорк“, кажа Милман.