Интер претстави засилување кое го воодушеви Лукаку (Видео)


Роналдо нека се пази, Мароко гази - 19 ден ↓↓↓



Албанецот Кристјан Аслани денеска официјално беше претставен како ново засилување на Интер, откако претходно во екипата пристигна Ромелу Лукаку.

Младото момче доаѓа од Емполи, а го зема дресот со број 13, откако си замина Андреа Ранокија и го остави слободен.

„Го видов ова момче, Аслани. Ми се допаѓа неговиот менталитет. И вие би се изненадиле. Тој е младо момче, има само 20 години, но зборува како да има 27“, вели Лукаку.

Неговиот договор за позајмица го чинеше Интер околу четири милиони евра, а следното лето ќе треба да плати уште 10 за да го откупи.

Аслани минатата сезона одигра 23 меча за Емполи и притоа постигна еден гол и една асистенција.