Јап Стам даде совет до челниците на Манчестер Јунајтед да го задржат францускиот интернационалец, Пол Погба.
Погба долго време се поврзуваше со заминување од Манчестер Јунајтед и трансфер во редовите на Реал Мадрид и Јувентус, но најновата ситуација предизвикана од коронавирусот би можела да го натера и самиот играч да размисли дали да си оди од клубот.
„Би сакал да го видам Пол како останува затоа што тој е екстра квалитетен фудбалер. Луѓето очекуваат многу од него и има многу критики за него. Понекогаш може да кажете дека тоа е фер, но некогаш критиките не се оправдани. Погба е креативец кој сака да игра на свој начин и некогаш треба да му дадете слобода. Ако ги видите Фернандеш, Погба и Скот на средината, мислам дека тоа ќе биде многу интересен среден ред. Погба треба да остане“ –изјави Стам.
