Кој ќе тепа на Ел Класико!? ↓↓↓
Ливерпул вчера го победи Шефилд со 2-1 на домашен терен, меѓутоа тренерот Јирген Клоп по мечот воопшто не беше задоволен, не од своите фудбалери туку од судиите.
Германецот бил револтиран од неколку ситуации, а најмногу од сомнителниот пенал кој беше досуден за гостите после прекршокот на Фабињо над Мекбрани. Таа ситуација прво беше проценета како слободен удар, но после реакција од ВАР собата беше покажано на белата точка.
Иако не сме навикнати на вакви настапи од Клоп тој сега порача дека Ливерпул е оштетен на секој втор натпревар во Премиер лигата.
„Во таа ситуација прекршок воопшто немаше. До сега одигравме шест натпревари, а оштетени сме на три, има одлуки против нас на секој втор натпревар сезонава. Шефилд беше тимот кој сега доби подарок“, изјави Клоп.
Инаку, Ливерпул го доби натпреварот со головите на Фирмино во 41. и Жота во 64. минута. Голот за Шефилд беше дело на Берге.
