Шанса да станеш YouTuber! Приклучи се! ↓↓↓
Фудбалерите на Ливерпул синоќа ја освоија Лигата на шампиони, откако го совладаа Тотенхем со 2-0 во Мадрид на „Ванда Метрополитано“, а стрелци на погодоците за гигантот од „Енфилд“ беа Мохамед Салах и Дивок Ориги.
На таков начин Ливерпул стигна до шестата титула во Лигата на шампиони, а еден од најзаслужните за успехот е германскиот тренер Јирген Клоп.
Харизматичниот тренер успеа конечно да освои европски трофеј, па беше видно расположен по мечот, а среќата не ја криеше ниту пред камерите.
Клоп даваше изјава за странските медиуми, а потоа реши да запее една популарна песна, која ја промени во „Ајде да зборуваме за шест“.
