Селекторот на Бразил, Тите, вчера објави список со фудбалери за Копа Америка, кој предизвика многу реакции во јавноста.
Тите порача дека тоа е конечниот список и дека ќе има промени само во случај на повреда. Бразилската јавност е во голем шок поради тоа што некои фудбалери не добиле повици, иако играат одлично цела сезона.
Големо изненадување е тоа што го нема Марсело, кој со години е стандарден, но и Лукас Мура, кој со настапите во дресот на Тотенхем го воодушеви светот.
На списокот ги нема уште и Малком, Алекс Телес, Даглас Коста, Нето, Фелипе Андерсон, Фабињо, Вилијан и Винисиус Жуниор.
Список со фудбалери:
Голмани: Алисон, Едерсон, Касио
Дефанзивци: Даниел Алвеш, Фагнер, Филипе Луис, Алекс Сандро, Миранда, Тиаго Силва, Маркињос, Едер Милитао
Среден ред: Касемиро, Фернандињо, Артур, Алан, Лукас Пакета, Кутињо
Напаѓачи: Нејмар, Ричарлисон, Давид Нерес, Евертон Соарес, Роберто Фирмино и Жесус.
Копа Америка ќе се одржи од 14 јуни до седми јули.
