Интер сака да се засили во зимскиот преоден рок па неколку играчи веќе се на мета на овој клуб.
Нероазурите моментално по одиграни 16 кола во Серија А го делат првото место со Јувентус и двата клуба имаат по 39 бодови.
Сепак, Антонио Конте е свесен дека му се потребни засилувања во продолжение на сезоната доколку сака да го освои Скудетото со Интер и неколку пати јавно изјави дека мора да го прошири моменталниот состав.
По пишувањата на англиските медиуми, Немања Матиќ е еден од играчите кои Конте во јануари посакува да го доведе во Интер.
Српскиот играч нема причина за да биде задоволен оваа сезона во Манчестер Јунајтед и тоа неколку пати јавно го искажа, дури имал и состанок со Оле Гунар Солскјер во врска со неговиот статус во тимот.
Матиќ оваа сезона запиша само шест настапи за Јунајтед и затоа е јасно зошто е незадоволен.
Телеграф пишува дека Интер е спремен во јануари да тргне по Матиќ кој веќе соработуваше со Конте додека Италјанецот го водеше Челзи.
