Куман и Пике со нивните изјави ја покажаа суровата реалност на Барселона

Барселона доби нова жешка шлаканица, и тоа во Лигата на шампиони од Баерн Минхен, кој славеше на „Камп ноу“ со 3-0.

Поради тешката финансиска состојба Каталонците мораа да дадат жртва, а една од нив беше Лионел Меси, кој се пресели во ПСЖ.

Овој тим нема доволно квалитет да им се спротистави на најдобрите екипи во светот и тоа го кажаа Жерар Пике и Роналдо Куман.

„Резултатот е лош. Во првото полувреме бевме конкурентни, а во продолжение влегоа 18-годишните деца. Тоа го имаме во моментов. Убеден сум дека ова ќе биде тешка сезона“, кажа Пике.

И тренерот Куман се сложи со Пике за сегашниот состав.

„Се сложувам со него. Алба е болен. Де Јонг го одигра својот прв меч. Треба да бидеме реални, овие момци покажаа дека имаат светла иднина“, вели Куман.