Шанса да станеш YouTuber! Приклучи се! ↓↓↓
Кризата предизвикана од глобалната пандемија на новиот коронавирус ќе има многу големо влијание врз фудбалскиот свет, сега тоа е јасно на сите.
Речиси сите европски клубови ќе се соочат, и веќе се соочуваат со финансиски загуби, што секако ќе го диктира нивното однесување на трансфер пазарот.
Исклучок нема да биде Ред Бул Лајпциг, кој одигра одлична сезона до прекинот на натпреварувањата.
Лајпциг го позајми напаѓачот Патрик Шик на почетокот на сезоната, додека во јануари шпанскиот лев бек Анџелино дојде на позајмица од Манчестер Сити во „Булси“.
За двајцата се договорении откупните клаузули за крајот на сезоната 2019/2020.
Лајпциг, наводно, бил повеќе од задоволен од партиите на Шик и Анхелино, а пред избувнувањето на кризата и прекинот на натпреварот, планирал да ги купи и двајцата во текот на летото.
Сепак, ова ќе биде многу тешко сега.
Поради кризата, Лајпциг сега треба да избере чиј трансфер ќе го реализираат Шик или Анхелино.
Шик има одиграно 18 натпревари за Лајпциг во сите натпреварувања досега, постигнувајќи седум гола и забележа три асистенции. Сепак, Анхелино од јануари има одиграно осум натпревари, постигна еден гол и забележа две асистенции.
