Оваа информација ја пренесува доверливиот Гардијан.
Имено, Лестер Сити испрати понуда тешка 23.2 милиони фунти на адреса на фудбалскиот клуб Сантос, за нивниот фудбалер Габриел Барбоса!
Популарниот „Габигол“ долго веќе е на мета на италијанските гиганти Интер и Јувентус, а самиот фудбалер изјави дека сака да ја продолжи кариерата во Торино.
Сага на неговата маса е и примамлива понуда од Лестер, кои прават се посериозен тим за оваа сезона.
Стигнаа Рон Роберт Цилер (Хановер), Луис Ернандез (Спортинг Хихон), Ахмед Муса (ЦСКА Москва), Бартош Капустка (Краковија) и Нампали Менди (Ница) на Кинг Пауер, а на пат да ги засили лисиците е фудбалерот на Депортиво Ла Коруња Лукас Перез.
„Габигол„ би било одлично засилување, а воедно и најскапа аквизација во историјата на клубот.
Тој од почетокот на кариерата е во Сантос, често е нарекуван и „новиот Нејмар“, а во дресот на легендарниот бразилски клуб на 152 настапи постигна 56 голови.
Одигра и четири натпревари во дресот на сениорската репрезентација, а усппеа и во два наврати да се запише во листата на стрелците.
Моментално се наоѓа на Олимписките игри во Рио, како дел на селекцијата на Кариоките
