Екипата на Ливерпул дефинитивно се наостри за продолжението на сезоната во Премиер лигата.
На избраниците на Јирген Клоп им требаат само уште две победи за и математички да ја обезбедат титулата во англискиот шампионат.
Пред рестартот на сезоната, Ливерпул беше домаќин на тимот на Блекбурн во пријателска средба одиграна на „Енфилд“.
„Црвените“ славеа со убедливи 6:0, а погодоците ги постигнаа Садио Мане, Наби Кеита, Такуми Минамино, Жоел Матип, Ки-Јана Ховер и Лејтон Кларксон.
